Udhëzues i plotë për ruajtjen e ushqimit në frigorifer

Nëse e mendoni që, një frigorifer është thjesht një pajisje e madhe në kuzhinën tuaj që i mban gjërat të freskëta e keni gabim. Është një pajisje e teknologjisë së lartë që përdor kontrolle dhe programim inteligjent për të siguruar që nivelet e lagështisë, dritës dhe temperaturës të qëndrojnë në një nivel optimal për ruajtjen e ushqimit. Mbreslënëse, apo jo?

Kur të dini se si të ruani lloje të ndryshme ushqimesh në zona të veçanta të frigoriferit mund t’ju ndihmojë të ruani lëndët ushqyese të ushqimit, plus të siguroheni që gjithçka në frigorifer të qëndrojë më e freskët për më gjatë. Është gjithashtu e rëndësishme që t’i merrni seriozisht metodat tuaja të ruajtjes së ushqimit pasi mund të ndihmojë në zvogëlimin e rrezikut të aromave, kontaminimit, baktereve dhe gjërave të tjera të pakëndshme që lidhen me ushqimin.

Si të ruani ushqimin në frigorifer: Udhëzime të përgjithshme
Cila është temperatura më e mirë për në frigorifer?
Së pari, temperatura optimale për ruajtjen e ushqimit në frigorifer është nën 40 gradë Fahrenheit (4⁰ C). Për shumë lloje të ndryshme ushqimesh, kjo temperaturë mund të pengojë rritjen e baktereve dhe të ndihmojë ushqimin tuaj të qëndrojë më i freskët për periudha më të gjata kohore.

Vendosja e një termometri ushqimor në frigorifer mund të sigurojë që temperatura e duhur të ruhet gjithmonë, duke vepruar gjithashtu si një kontroll kundër çdo leximi dixhital të ofruar nga vetë frigoriferi. Thjesht vendoseni në raftin e dytë nga lart për të siguruar që leximi të jetë i saktë. Nëse temperatura rritet, mund ta ulni temperaturën në frigorifer ose ta kontrolloni frigoriferin tek një teknik.

Çfarë ndodh nëse frigoriferi është shumë i mbushur?
Një nga gabimet më të mëdha që bëjnë njerëzit është tejmbushja e frigoriferit. Kur ushqimet, kutitë e ruajtjes ose kontejnerët bllokojnë rrjedhën e ajrit, frigoriferi punon më shumë për të ftohur gjithçka. Kjo pabarazi shpesh i lë disa zona të frigoriferit më të ngrohta se të tjerat, gjë që mund të jetë e rrezikshme dhe të çojë në prishjen/kalbjen e disa ushqimeve.

Sa i mbushur duhet të jetë një frigorifer?
Në mënyrë ideale, ju do të dëshironi të mbani të gjithë ushqimin në frigoriferin tuaj të ndarë me rreth 2cm. Kjo siguron që ajri të rrjedhë midis hapësirave të frigoriferit dhe të mbajë një temperaturë të barabartë për të gjithë. Mos vendosni asnjë produkt ushqimor në anën e pasme kur bllokohet ajri ose në anët e frigoriferit!

Sa shpesh duhet ta pastroni frigoriferin?
Për ruajtjen dhe sigurinë optimale të ushqimit, frigoriferi duhet të pastrohet pasi ndotet, por rekomandohet pastrimi i plotë i anëve të frigoriferit një herë në tre muaj. Për ta bërë këtë, hiqni të gjitha raftet nga frigoriferi dhe t’i pastroni me ujë të nxehtë dhe me ilaç enësh/sprucues të posaçëm për frigoriferin.

Për shkak se ndonjëherë disa frigorifer kanë shumë rafte është e rëndësishme të shmangni lënien e rafteve në ujë/të pisëta për periudha të gjata kohore. Pasi, mund të nxisë rritjen e mykut dhe lagështisë, të cilat mund të jenë veçanërisht të rrezikshme pranë artikujve ushqimorë.

Në fund, para se të fusni produktet përsëri thajeni/ajroseni frigoriferin. Shkruani datat në kuti/produkte dhe zëvendësojini ato çdo një deri në tre muaj, ose në në datën e skadencës.

Si të organizoni frigoriferin tuaj për ruajtje optimale të ushqimit?
Siç ndoshta e dini tashmë, ka disa ndarje në një frigorifer tipik. Por ju mund të pyesni veten: Cili ushqimi shkon në cilin raft në frigorifer? A ka rëndësi?

Të kuptuarit sesi çdo ndarje frigoriferi funksionon dhe rregullon temperaturën mund ta bëjë më të lehtë gjetjen e vendit të duhur për çdo lloj ushqimi në mallrat tuaja ushqimore. Për t’ju ndihmuar të filloni, kemi shpjeguar çdo seksion të një frigoriferi tipik dhe kemi dhënë disa këshilla të dobishme se si t’i organizoni ushqimet tuaja :

Ndarjet e frigoriferit

Brenda frigoriferit – ndarja kryesore
Ndarja kryesore e frigoriferit tuaj është vendi ku ruhet pjesa më e madhe e ushqimit dhe zakonisht ka disa rafte.

Çfarë vendoset në raftet e poshtme të një frigoriferi?
Raftet e poshtme janë ideale për ruajtjen e mishit të papërpunuar, bulmetit dhe vezëve, sepse temperatura priret të jetë më e ftohta në këtë zonë të frigoriferit ku vjen dhe ngrirja. Përjashtimi i vetëm do të ishte nëse frigoriferi ka një raft të dedikuar për këto artikuj – në këtë rast, është më mirë t’i ruani atje pasi janë krijuar posaçërisht për të mbajtur një temperaturë të qëndrueshme.

Çfarë vendoset në raftet e sipërme të një frigoriferi?
Nga ana tjetër, raftet e sipërme të frigoriferit tuaj janë të shkëlqyera për të ruajtur gjëra të tilla si leftovers (ushqimet e mbetura), ushqimet e përpunuara dhe pijet e të gjitha llojeve. Perimet mund të futen gjithashtu në raftet e sipërme për t’i mbajtur ato lehtësisht të aksesueshme, pasi ato zakonisht përdoren më shpesh se artikujt e tjerë. Raftet e sipërme të një frigoriferi tipik priren të kenë temperaturën më të qëndrueshme, e cila është e mirë për të parandaluar që ushqimet mos të prishen shpejt.

Çfarë vendoset në dyert e një frigoriferi?
Shumica e frigoriferëve modernë kanë seksione për ruajtjen e ushqimit brenda derës (ose dyerve ) për lehtësi. Disa frigoriferë mund të kenë edhe rafte tërheqës/të lëvizshëm që i mbajnë ushqimet të disponueshme dhe të aksesueshme lehtësisht!

Pavarësisht nga veçoritë specifike të frigoriferit tuaj, dyert e frigoriferit përdoren më së miri për ushqimet që shijohen të ftohta. Artikuj që nuk prishen si pijet, disa erëza, uji dhe sende të tjera duhet të vendosen këtu.

A mund të ruhet qumështi në derën e frigoriferit?
Është e zakonshme që të ruani qumështin në derën e frigoriferit për lehtësi apo edhe për të kursyer hapësirë në ndarjen kryesore. Por në realitet, nuk duhet të ruani këtu ushqime që prishen si qumështi, sepse temperatura është shpesh e paqëndrueshme. Kjo vlen edhe për raftet brenda dyerve të frigoriferit. Këto rafte nuk mbajnë një temperaturë të qëndrueshme dhe shpesh janë më të ngrohta se pjesa tjetër e frigoriferit.

Çfarë duhet të ruhet në raftet e frigoriferit?
Nëse keni një frigorifer me rafte të veçantë në mes ose në fund, këtu duhet të ruhen të gjitha frutat dhe perimet tuaja. Ndërsa jeni duke i sistemuar artikujt tuaj ushqimor, është më mirë të shmangni vendosjen e çdo mishi me frutat dhe perimet tuaja brenda një rafti pasi ruajtja e tyre së bashku mund të krijojë një rrezik në rritje të kontaminimit të përbashkët.

A është e sigurt të vendosësh gjëra mbi frigorifer?
Në përgjithësi, nuk ka ndonjë problem për të ruajtur artikujt ushqimorë aty – me disa përjashtime, sigurisht. Njerëzit shpesh ruajnë sende sipër frigoriferëve të tyre dhe mund të jetë shumë e dobishme nëse keni një kuzhinë të vogël me pak ose aspak hapësirë.

Nëse po përdorni hapësirën në majë të frigoriferit tuaj, vendosja e pajisjeve, librave të gatimit dhe artikujve të tjerë jo ushqimorë është shumë mirë. Vetëm sigurohuni që të mos vendosni kurrë artikuj si verë, bukë ose kafe këtu, pasi nxehtësia nga frigoriferi mund t’i bëjë ato të prishen.

Ruajtja e ushqimit në frigorifer: Udhëzimet e gatimit dhe ringrohjes

Si të ruani peshkun e papërpunuar në frigorifer?
Tani që i keni organizuar ushqimet tuaja dhe i keni vendosur në frigorifer, le të flasim për ruajtjen dhe sigurinë afatgjatë të ushqimit. Në mënyrë të veçantë, ne do të shqyrtojmë mënyrat më të mira për të ruajtur (dhe ringrohur) ushqime si mishi, bulmeti dhe madje edhe ushqimet e mbetura në frigorifer.

Menjëherë, duhet përmendur se nuk është e mundur që mishi të ringrohet herë pas here. Kjo do të thotë se është e rëndësishme që ushqimi të rinxehet vetëm një herë. Gjithmonë vendosni çdo pjesë të pangrënë/papërdorur në frigorifer menjëherë. Kur ushqimi gatuhet në temperaturën e duhur, ai vret bakteret dhe patogjenët e mundshëm.

Jini të vetëdijshëm për temperaturat e duhura të gatimit
Gatuani pjesë të tëra të viçit, derrit, qengjit dhe të tjera, në të paktën 145 gradë Fahrenheit (60⁰C).
Mishi i bluar i viçit, derri, qengji dhe viçi duhet të arrijnë një temperaturë prej 160 gradë Fahrenheit (71⁰ C).
Të gjitha shpendët duhet të gatuhen në të paktën 165 gradë Fahrenheit (74⁰ C).

Si të ruani mishin në frigorifer?
Mishi i papërpunuar, peshku dhe shpendët ofrojnë disa nga rreziqet më të mëdha për shëndetin e dikujt. Për të qenë të sigurt, vendosini këto artikuj në enë të mbyllura ose në një pjatë poshtë tyre për të siguruar që lëngjet të mos rrjedhin dhe kontaminohen në frigorifer. Për të njëjtën arsye, mos e nxirrni ushqimin që tashmë është mbështjellë në dyqan derisa të jetë gati për t’u përdorur. Ri-mbështjellja e ushqimit që nuk është ende gati për gatim e ekspozon atë ndaj baktereve të mundshme dhe mund ta bëjë të pasigurt për t’u ngrënë kur është koha për t’u gatuar. Vendosini këto ushqime afër fundit të frigoriferit pasi është pjesa më e ftohtë dhe më e errët e shumicës së njësive.

Sa kohë qëndron mishi në frigorifer?
Për sa kohë që planifikoni ta gatuani brenda ditëve të ardhshme, mishi, peshku dhe shpendët mund të ruhen për një kohë, me kusht që temperatura e frigoriferit të qëndrojë nën 40 gradë Fahrenheit (4⁰ C).

Disa udhëzime të përgjithshme për ruajtjen e ushqimit përfshijnë:

Mishi i bluar i papërpunuar, të gjitha shpendët, ushqimet e detit dhe mishrat e tjerë mund të ruhen deri në dy ditë.
Të papërpunuara, biftekët dhe bërxollat mund të ruhen deri në pesë ditë.
Mishi i gatuar, shpendët dhe ushqimet e detit ruhen deri në katër ditë.
Nëse mishi nuk përdoret brenda pak ditësh, duhet të vendoset në një qese ngrirëse me sa më shumë ajër të hequr nga qesja. Më pas, vendosini qeset në ngrirje për t’i përdorur më vonë.

Megjithatë, përdorimi i një qese të mbyllur me vakum nuk e zgjat mirëmbajtjen e mishit në frigorifer. Bakteret tashmë ekzistojnë në mish, shpendë dhe peshk, dhe mbyllja e baktereve nuk bën asgjë për ta parandaluar rritjen e tyre. Mund të parandalojë futjen e baktereve të reja, por është e rëndësishme që të ndiqni planin e skadencës për të parandaluar kushte të pasigurta. Shkruani datën e marrjes së ushqimit mbi qese për t’u siguruar që ai të hidhet kur është shumë i vjetër.

Cila është mënyra më e mirë për të shkrirë mishin e ngrirë në frigorifer?
Për të shkrirë një gjeldeti ose një produkt tjetër mishi nga një gjendje e ngrirë në frigorifer, ndiqni udhëzimet për ta lënë të shkrihet për 24 orë për çdo katër deri në pesë kilogramë. Kjo do të thotë që një kilogram mish duhet të shkrihet në ambient për rreth katër orë para se të jetë gati për t’u gatuar. Pasi ushqimi të shkrihet, ai mund të gatuhet si ushqim i freskët dhe mund të mbahet në frigorifer duke ndjekur udhëzimin e mbajtjes në frigorifer.


Si të ruani qumështin, djathin dhe qumështin në frigorifer?
Kur sistemoni produktet tuaja të bulmetit pas një blerje, është më mirë ta mbani atë në ambalazhin përkatës. Nuk ka nevojë t’i kaloni produktet e qumështit nga mbështjellja e tyre origjinale në ndonjë enë tjetër. Thjesht mbani qumështin, gjizën dhe produktet e tjera të qumështit të mbyllura mirë në frigorifer. Pasi një artikull të jetë hequr nga paketimi i tij, mos e ktheni atë mbrapsht në paketim.

Në mënyrë të ngjashme, djathi i fortë duhet të mbahet në paketimin origjinal të dyqanit derisa të përdoret. Pasi djathi të hiqet nga mbështjellja, ruajeni në letër kuzhine, plastikë të lirë ose qese paketimi. Për shkak se djathi duhet të marrë ajër, mos u shqetësoni që ta mbështillni shumë fort. Letra e dyllit është një zgjedhje e mirë sepse mbron djathin nga ajri përreth, ndërkohë që e lejon atë të marrë ajër pak.

Është gjithashtu më mirë të blini qumësht në shishe qelqi ose plastike, pasi bakteret mund të formohen më lehtësisht në grykën e një kutie kartoni. Megjithatë, për sa kohë që qumështi përdoret para datës së skadencës, duhet të jetë mirë për t’u pirë.

Si të ruani frutat dhe perimet në frigorifer?

Shumë frigoriferë vijnë me një sirtar në pjesën e fillimit ose një sirtar të krijuar posaçërisht për fruta dhe perime, prandaj sigurohuni që ta përdorni këtë sirtar nëse është i disponueshëm. Është në rregull që perimet dhe frutat të përzihen së bashku, por duke qenë se frutat dhe perimet nxjerrin toksina të ndryshme, është më mirë të mbani ushqime të ngjashme së bashku. Për shembull, mos i përzieni mollët me karrotat ose portokallet me spinaqin. Mundohuni të mbani çdo lloj perimesh në një ndarje të ndryshme.

Frutat dhe perimet duhet të jenë në gjendje të marrin ajër dhe të jenë të thata. Megjithatë, nëse këto bllokohen, ushqimi do të kalbet më shpejt. Kjo është arsyeja pse duhet të përdorni gjithmonë kontenier që lejojnë ajrin ose të vendosni perime në thasë që nuk janë të mbyllura për të siguruar një jetëgjatësi optimale.

A e dini: Disa fruta në fakt janë më mirë të blihen të ngrira nëse nuk janë aktualisht në sezon. Bestytnia se lëndët ushqyese humbasin gjatë procesit të ngrirjes dhe se të gjitha frutat dhe perimet duhet të blihen të freskëta nuk është e vërtetë. Kjo është për shkak se ushqimet e ngrira zakonisht merren në kohën optimale kur lëndët ushqyese janë më të larta. Më pas, gjatë procesit të ngrirjes, lëndët ushqyese mbyllen brenda. Kërkoni fruta dhe perime të ngrira menjëherë, pasi metoda të tjera mund të rezultojnë në humbje të lëndëve ushqyese.

A duhet ta laj produktin tim përpara se ta ruaj në frigorifer?
Mund të duket e dobishme për momentin, por shmangni tundimin për të larë çdo produkt përpara se ta konsumoni, pasi lagështia është dëmi i perimeve. Kur përdorni kontenier për ruajtjen e ushqimit, është e dobishme të vendosni një letër rreth perimeve për të ndihmuar në thithjen e lagështirës. Nëse nuk përdorni qese, atëherë vendosni disa letra në sirtar për t’u siguruar që ato të mbeten të freskëta dhe pa lagështi.

Cilat fruta dhe perime nuk duhen ruajtur në frigorifer?
Disa fruta dhe perime që nuk është mirë të ruhen në frigorifer përfshijnë bananen, domate, patate, qepë dhe kunguj. Vendosini bananet në një shportë dhe shmangni thyerjen e kërcellit kur tërhiqni njërën. Kjo ndihmon për të siguruar që bananet të mbahen të freskëta më gjatë. Patatet, qepët dhe kungujt ruhen më së miri në një vend të freskët dhe të errët si psh në dollapët e kundrabufesë. Avokadot mund të vendosen në frigorifer për të ngadalësuar procesin e pjekjes, por lënia e tyre jashtë në banak është gjithashtu e sigurt.

Si të ruani ushqimet e mbetura në frigorifer?

Siç e përmendëm më herët, këto duhet të ruhen në raftet e sipërme të frigoriferit, sepse këtu ruhet temperatura më e qëndrueshme. Përveç kësaj, ka disa udhëzime të tjera për ruajtjen dhe përdorimin e ushqimeve të mbetura për të ruajtur freskinë optimale dhe për të shmangur rritjen e baktereve.

Këto ushqime duhet të ruhen në enë hermetike sa më shumë që të jetë e mundur. Kjo ndihmon në sigurimin dhe për të parandaluar që erërat të shpërndahen në pjesët e tjera të frigoriferit dhe të kontaminojnë ushqime të tjera.

Ndërsa ftohja e ushqimeve të gatuara/mbetura para se t’i ruani në frigorifer ndihmon në luftimin e rritjes së baktereve, nuk keni nevojë të prisni që të ftohen plotësisht përpara se t’i vendosni në frigorifer për t’i ruajtur. Ushqimet e tjera të vendosura poshtë raftit të sipërm nuk do të shohin shumë luhatje të temperaturës dhe brenda një ose dy ore, temperatura e ushqimeve të gatuara do të jetë e njëjtë si në frigorifer.

Së fundi, është e rëndësishme të lini hapësirë midis këtyre. Kjo do të sigurojë që ato të ftohen siç duhet dhe të ruhet qarkullimi i mirë i ajrit në të gjithë frigoriferin. Ushqimet e përgatitura vendosini në frigorifer sa më shpejt të jetë e mundur dhe mos i lini ushqimet jashtë në banak më shumë se dy orë.

Si të ruani bukën, gjalpin dhe makaronat në frigorifer?

Si rregull i përgjithshëm, makaronat e freskëta duhet të ruhen gjithmonë në frigorifer. Megjithatë, makaronat e thata nuk ruhen në frigorifer, por në një sirtar/dollap.

A është më mirë ta ruani bukën në frigorifer?
Copat e bukës nuk kanë nevojë të ruhen në frigorifer, por një ambient të freskët mjafton të ndihmojë në parandalimin e zhvillimit të mykut.

Kutitë e gjalpit dhe margarinës nuk kanë nevojë të lihen në frigorifer. Është në rregull të lini gjalpin jashtë në një vend të freskët dhe të errët. Megjithatë, nuk është ide e keqe ta mbani gjalpin në një nga raftet e dyerve të frigoriferit për të ndihmuar në ruajtjen e aromës dhe shijes.

Si të ruani verën, birrën dhe alkoolin në frigorifer?

Birra mund të mbahet në frigorifer nëse dëshironi ta mbani të ftohur dhe gati për ta servirur.
Verërat e bardha dhe pijet si Sangria mund të mbahen gjithashtu në frigorifer, por temperatura e frigoriferit është paksa shumë e ftohtë për shumicën e verërave. Është më mirë të merrni një ftohës vere të posaçëm që e mban verën në një temperaturë prej rreth 55 gradë Fahrenheit 13⁰ C, temperatura ideale për shumicën e verërave.

Vodka dhe pijet alkoolike që përbëhen nga 40 përqind alkool ose më shumë mund të mbahen në frigorifer pasi alkooli parandalon ngrirjen e përmbajtjes. Megjithatë, mbajtja e këtyre artikujve në frigorifer ka më shumë kuptim për të ruajtur profilet e tyre unike të shijes.

Kremi irlandez dhe pijet si Kahlua nuk kanë nevojë të vendosen në frigorifer. Alkooli ndihmon në ruajtjen e qumështit dhe kremit, por nuk është e dëmshme ta mbani në frigorifer në një raft të dyerve të frigoriferit nëse ka vend. Shumica e këtyre pijeve zakonisht shërbehen të ftohta gjithsesi, kështu që mbajtja e tyre në frigorifer ka kuptim.

Cilat janë metodat tuaja të preferuara të ruajtjes së ushqimit?
Nëse jeni duke luftuar me gjetjen e mënyrave më të mira për të ruajtur ushqimin në frigorifer, shpresojmë se ky udhëzues ju ka dhënë disa këshilla dhe truke të dobishme për të nxitur pak sistemim.

Ruajtja e ushqimit mund të jetë e ndërlikuar, veçanërisht nëse keni hapësirë të kufizuar. Por me planifikim të kujdesshëm për organizimin e frigoriferit tuaj, ju mund ta bëni jetën tuaj shumë më të lehtë kur ju duhet të përgatisni.

A ju duket i dobishëm ky artikull? Sigurohuni që ta ruani/shpërndani për një qasje më të lehtë më vonë.