Home » Supë me Perime

Supë me Perime

Për të përgatitur një supë të shëndetshme, të shijshme dhe të lehtë me perime për fëmijët rreth moshës 7 ose 8 muajsh na nevojiten këta përbërës:

Kjo sasi supë me këta përbërës është e mjaftueshme për 3 racione, dmth për tre vakte të fëmijës

Kohëzgjatja: 15-20 min

  • 1/2 Patate e ëmbël
  • 1 Karrotë mesatare
  • 1/2 degë selino
  • 3 buketa brokoli
  • Makarona integrale
  • 1 lugë gjelle vaj ulliri
  • Majdanoz (sipas dëshirës)

Përgatitja:

  1. Lajmë të gjitha perimet me ujë të bollshëm
  2. Vendosim në sobë një enë me ujë të vloj paraprakisht dhe hedhim 1 lugë vaj ulliri në të
  3. Qërojmë karrotën dhe e presim në copa të vogla dhe i hedhim sëbashku me makaronat integrale në enë me ujë që ka vluar tashmë
  4. Qërojmë pataten e ëmbël dhe e presim në kubik të vegjël. Pas 5 minutash i hedhim të ziejnë sëbashku me karrotat dhe makaronat
  5. Ndërkohë e presim në copa edhe selinonë dhe brokolin dhe i hedhim në 5 minutat e fundit

Nëse doni të përfitoni një supë me më shumë lëng 15 min janë të mjaftueshme. Mund ta shoqëroni edhe me lëngun e mishit të pulës ose të viçit për ta bërë më të shijshme. Kjo është një recetë edhe për të gjithë familjen.

Ju bëftë mirë!

Lini një Përgjigje